Аппааныга Ырыа күнэ

“Ырыа - олох аргыһа. Ыллыыр омук инникилээх, эйэлээх, иллээх, кэскиллээх” диэн бөлүһүөк, поэт Ксенофонт Дмитриевич Уткин-Нүһүлгэн кэриэс тылын этэн хаалларбыта.
Чахчы, саха киһитэ “оҕуһун мииннэ да – ырыаһыт, оһоҕун иннигэр – олоҥхоһут”. Сатыырдыын-сатаабаттыын кигинэйэн ыллыы сылдьар норуоппут. Ыам ыйын 21 күнүгэр Сахабыт Сиригэр Ырыа күнүн бэлиэтиибит.
Бүгүн, ыам ыйын 19 күнүгэр «Чороон» НАК Саха сиригэр Ырыа күнүн бэлиэтиир дьоллоох түһүлгэбитигэр Нам улууһун хоту нэһилиэктэриттэн, Хатырыктан, Түбэттэн, Модуттан, Бөтүҥтэн ырыа куттаах биир дойдулаахтарбытын кытта «Ырыа – олох аргыһа» диэн сомоҕо КЭНСИЭР буолан ааста.