Бу дьыл, балаҕан ыйын 15 күнүгэр Нам улууһугар эрэ буолбака Бүтүн Сахабыт сиригэр улахан тэрээһин буолан ааста. Хатыҥ-Арыы нэһилиэгэр ханна да суох саҥа «Озернай» квартал арыллар үөрүүлээх, кэрэ бэлиэ түгэнэ буолан ааста. Саҥа квартал чэчирии сайыннын, улууспутугар биир бастыҥ холобур буолар тутуулардаах буоллун диэн алгысчыт Охлопков Петр Васильевич аман тылынан алҕаан саҥа квартал сирин-дойдутун ыраастаата. Ытык-мааны ыалдьыттарынан буоллулар: СР Правительствотын салайааччыта Куприянов Ю.С., «Нам улууһа» МТ Баһылыга Атласов А.П., Тыа хаһаайыстыбатын, Тутуу, Олохтоох нэһилиэнньэни кытта үлэ Министерстволарын салайааччылара, «Озернай» кварталы тутуу подрядчига о.д.а.