Дойду үрдүнэн сылын аайы ыытыллар кырдьаҕастар декадаларын чэрчитинэн, алтынньы ый 9 күнүгэр Хатыҥ – Арыы нэһилиэгэр «Көмүс күһүн күлүмүрдэс өҥнөрө» - диэн кырдьаҕастар күннэригэр аналлаах дьоро киэһэ үрдүк таһымҥа ыытыллан, Аҕам саастаах дьоммут махталлара муҥура суох.

Бу үөрүүлээх күҥҥэ нэһилиэк баһылыга Ю.И. Слепцов үбүлүөйдээхтэри Романова Татьяна Михайловнаны, Алексеева Тамара Петровнаны, Хачиров Владимир Ивановиһы 70 саастарынан истиҥник эҕэрдэлээтэ, ону тэҥэ Лукина Варвара Ивановнаны, Корякина Акулина Дмитриевнаны 85 саастарынан уруйдаан нэһилиэккэ, улууска, республикаҕа тыа хаһаайыстыбата сайдарыгар кылаатын иһин Знак отличия «За заслуги перед МО «Хатын – Арынский наслег» туттарылынна.

Бү күн төгүрүк остуол тула 50 - чэ кырдьаҕас мустан, итии үүттээх чэй иһэ – иһэ араас конкурстарга кытынныллар. Ол курдук: кэрэ көстүүлээх сэлээппэ, «Көмүс күһүн бэлэҕэ» (авторскай бүлүүдэ), «Күһүҥҥү киһи күлбүтүнэн» (оҕуруот аһыттан араас поделка), «Точь в точь» (пародия), хобби конкурстарга актыыбнайдык кытыннылар. Кыайыылаахтарынан Евсеева И.Е., Сыромятникова А.Д., Федорова Е.П, Еремеева А.П., Иванова И.П., Соловьева Н.Д., Евсеева Т.И., Сметанина Т.Т., Павлова Р.В., Хачирова А.П. ааттара ааттанна.Ытык кырдьаҕастарбытыгар тапталбытын, убаастабылбытын, муҥура суох махталбытын биллэрдибит. Сааһырары санаабакка, кырдьар диэни аахайбакка, үүт тураан олохтонун диэн баҕа санаа бастыҥын анаатыбыт.