«Алгыстаах аартыктан, айар үлэбит!!!» диэн «Чороон» с.к. 2016-2017сс. үлэтин саҥа сезонун Сомоҕолоһуу, Иллээх, Түмсүүлээх буолуу күнүгэр үөрүүлээхтик, дохсуннаахтык арыйда!

Бырааһынгньыктааҕы киэһэни «Чороон» с.к. бары үлэһиттэрэ сценаҕа тахсан бар дьонун бырааһынньыгынан эҕэрдэлээн, уруй-айхал тылларын анаан, «Дьол» диэн ырыанан үөрүүлээхтик астылар.

Үтүө үгэскэ кубулуйбут «Бастыҥ Тиэргэн - 2016» түмүгүн таһаарыы бу күҥҥэ ыытылынна, «Хатыҥ-Арыы нэһилиэк» МТ сүрүннүүр специалиһа Сивцева Н.Д. номинаннары, «Хатыҥ-Арыы нэһилиэк» МТ Депутаттарын Сэбиэтин председателя Жирков Е.Г. кыайыылаахтары чиэстээн Олохтоох Дьаһалта аатыттан сыаналаах бириистэри туттартаатылар.

«Чороон» с.к. нэһилиэк көхтөөх олохтоохторун түмэн, салайан, ону кытта М.Е. Винокурова-Мото Куо салайар «Ылдьаа ыччаттара» хамсааһын оҕолоро кыттыылаах нэһилиэкпит бар дьонугар, ытык-мааны ыалдьыттарыгар анаан улахан бырааһынньыктааҕы КЭНСИЭР көрдөрөн олохтоохтор биһирэбиллэрин ыллылар.