Ахсынньы 31күнүгэр Аппааны бөһүөлэгэр үүнэр Саҥа Дьылы көрсөр үөрүүлээх киэһэтигэр КСК залыгар элбэх киһи муһунна.

Үгэс курдук олохтоохтору уонна ыалдьыттары кэлэн иһэр Саргылаах Саҥа Дьылынан эҕэрдэлиир «Хатыҥ-Арыы нэһилиэк» муниципальнай тэриллии Баһылыга Слепцов Юрий Иннокентьевич.

Элбэх эҕэрдэ ырыа ылланна, үҥкүү да үҥкүүлэннэ, бөтүүк сылыгар аналлаах театрализованнай көстүү кыттыылаахтара оонньоон мустубут дьону сэргэхситтилэр.Тымныы оҕонньор Хаарчаана кыыһынаан,кырачаан сиэннэрэ Саҥа Дьыллыын бэйэлэрин эҕэрдэлэрин эттилэр.