Тохсунньу 5 күнүгэр Аппааны бөһүөлэгэр  « Айар- кут Голливуд» республиканскай лааҕырга сахабыт сирин араас улуустарыттан кэлбит оскуола оҕолоругар ,кэрэчээн кыргыттарга анаан «Хаарчаана кыыс – 2017 » конкурс буолан ааста.

Конкурска 6 кыттааччы бэйэлэрин талааннарын,  дьоҕурдарын , Хаарчаана уобараһын көрдөрдүлэр. Конкурс уопсайа 4 түһүмэхтээх буолла.

Кыайыылааҕынан таҕыста Кондакова Нарыйа,  Хамаҕатта Саха -Франзузскай лицей 8 кылааһын үөрэнээччитэ.

Бу киэһэ биһиги көрдүбүт, иһиттибит саха кыыһа барахсан талба талаанын, мындыр өйүн, кэрэ сэбэрэтин. Кэрэ куоларбытын көрөн сүргэбит көтөҕүлүннэ, санаабыт көнньүөрдэ.