Олунньу ый 23 күнүгэр Чурапчы сэл. “Айылгы” култуурнай киинигэр, икки сылга биирдэ ыытыллар А.Н. Семенов аатынан Республикатааҕы эр дьон “Поющее Мужское братство” көрүү күрэҕэ быйыл саха бастакы композитора М.Н.Жирков төрөөбүтэ 125 сылыгар ананна. Барыта 25 коллектив, республика 16 улуустарыттан 340 эр дьон кэлэн кыттыыны ыллылар.

Түмүккэ “М.Н. Жирков ырыатын бастыҥ толоруу” анал бирииһи Амма улууһуттан “Иэйии” эр дьон вокальнай ансамбыла ылла.

1 ст.лауреат аатын Нам улууһуттан “Добун” эр дьон вокальнай ансамбыла (сал.СР культуратын туйгуна Аф.Татаринов), “Дуорай” эр дьон вокальнай ансамбыла (сал. СР культуратын туйгуна Пономарева С.Д.) 1 ст.дипломант аатын ыллыбыт. Быйылгы күрэх кыайыылааҕынан Чурапчы улууһун Чыаппаратааҕы народнай хорун эр дьон вокальнай ансамбыла таҕыста. 2019сылга Республикатааҕы “Поющее Мужское братство” Бүлүү улууһугар ыытыллара быһаарылынна.