Кулун тутар 7 күнүгэр Аппааныга КСК дьиэтигэр Аан дойду дьахталларын күнүгэр аналлаах «Көмүс саастаах көхтөөх Хотун» конкурс үөрүүлээх киэһэтэ буолан ааста. Хатыҥ-Арыы нэһилиэк 6 түөлбэтиттэн биирдии кыттааччы 3 түһүмэҕинэн бэйэлэрин билиһиннэрэн, талааннарын, дьоҕурдарын көрдөрөн уонна киэһээҥҥи кэрэ көстүүлэрин көрдөрөн курэхтэстилэр. Аан дойду дьахталларын күнүнэн эҕэрдэ ырыалар ылланнылар. Түмүккэ кыайыылааҕынан уонна «Көмүс саастаах көхтөөх Хотун» ааты «Чэчир» түөлбэттэн Куличкина Полина Дмитриевна ылла. Сыаналаах сертификатынан, бэлэхтэринэн наҕараадаланна. Атын кыттааччылар номинацияларынан бэлиэтэннилэр, түөлбэлэр уонна үлэлиир тэрилтэлэрин бириистэрин туттулар.