Кулун тутар ый 28 чыыһылатыгар, Хатыҥ-Арыы нэһилиэгин Аппааны бөһүөлэгэр сана таас Культура Киинин дьиэтин тутуутун бастакы сваятын туруорар, уруйдуур – айхаллыыр үтүөкэн күммүт үүннэ. Аныгылыы тутуулаах, ханна да суох ураты, дьикти, үчүгэй бырайыактаах, 216 миэстэлээх саҥа таас Культура Киинин дьиэтин бастакы символическай сваятын туруоруу үөрүүлээх кунугэр кыттыыны ыла кэллилэр:

Еремеев Алексей Ильич- СР Ил Түмэнин государственнай мунньаҕын депутата, Гурьева Сардана Михайловна- СР Гражданскай общество институттарын сайдыытын министра, Нам улууьун куратора, Никифоров Александр Тарасович- «КопирТехСервис» ХЭТ генеральный директора, Белолюбскай Валерий Николаевич- «Государственнай сакаастыыр сулууспа» главнай инженера, Атласов Александр Павлович- МО «Намский улус» Главата, Попов Иван Романович- улуус Мунньаҕын депутаттарын сэбиэтин председателэ, Герасим Афанасьевич Марков- тыыл, үлэ ветеранын, Нам улууһун уонна Хатын-Арыы нэһилиэк Ытык киьитэ, сыана, спорт ветерана, уо.д.а. улуус салайааччылара.

Ытык сир – Хатыҥ-Арыы нэһилиэгин бука бары олохтоохторун аатыттан, кэлбит ытык-мааны ыалдьыттарыгар ис сурэхтэн эҕэрдэ тыллара этилиннилэр. Аан алгыс тылынан, алгыьын аныыр алгысчыт Петр Васильевич Охлопков. Кэлбит, ыҥырыылаах ыалдьыттар мустубут дьоҥҥо туһаайан бэйэлэрин эҕэрдэ тылларын эттилэр.

Онтон дьэ өр сылларга күүппүт ыра санаабыт туолан, „Ураа“ хаһыылаах, дохсун ытыс тыаһынан уруйдаан-айхаллаан, музыка доҕуһуолланан Культурабыт Киинин бастакы сваята түстэ! Үөрүү-көтүү,өрөгөй улаатта!

Олохтоохтор бары астынан,үөрэн-көтөн тарҕастылар. Үөрүүлээх тэрээһин сахалыы оһуохайынан түмүктэннэ.