Балаҕан ыйын 27 күнүгэр Сахабыт сирин Судаарыстыбаннаһын бэлиэтиир өрөгөйдөөх күнүгэр биир дойдулаахпыт, уһулуччулаах судаарыстыбаннай, политическай деятель Илья Егорович Винокуров аатынан сквери уонна кини пааматынньыгын арыйыы үөрүүлээх тэрээһинэ Дьокуускай куоракка буолла. Бу үөрүүлээх тэрээһиҥҥэ Юрий Потапов–Саргын тылыгар, Андрей Замятин мелодиятыгар “Ылдьаа туһунан ырыа” ырыаны толорон “Дуорай” эр дьон вокальнай ансаамбыла кыттыыны ылла.

Бу үөрүүлээх күҥҥэ кэлбит дьон Илья Егорович пааматынньыгар, чаҕылхай киһибитигэр сүгүрүйэн, сибэккилээх корзиналары,кытыастар кыһыл гвоздикалары уурдулар.