Алтынньы 13 күнүгэр Улуу Өктөөп бырааһынньыгын 100 сылын көрсө уонна Аҕам саастаахтар күннэрин бэлиэтээн “Арчы” балаҕан дьиэтигэр нэһилиэк кырдьаҕастара, үлэ-тыыл ветераннара мустан, көхтөөхтүк кэлэн, урукку кэми санаан-ахтан, үөрдүлэр- көттүлэр.

Хатыҥ-Арыы нэһилиэк депутаттарын Сэбиэтин председателэ Жирков Евгений Геннадьевич нэһилиэк үрдүк наҕараадаларын туттарда.

Сэбиэскэй кэми санатар бэйэлэрин коллекцияларын аҕалан туруоран, кэпсээн, оччотооҕу олоҕу, эдэр саастарын ахтан дуоһуйа сынньаннылар. Үҥкүү-битии, элбэх ырыа-тойук ылланна.