Хатыҥ-Арыы нэһилиэк төрүттэммитэ 205 сылыгар аналлаах ыытыллар «Таптыаҕыҥ бу кэрэ дойдуну» тэрээһиннэр.

И.Е. Винокуров аатынан кыраайы үөрэтэр музейга нэһилиэкпит төрүттэммитэ 205 сыллаах үбүлүөйүгэр Хатыҥ-Арыы нэһилиэгин культура тэрилтэлэрин үлэлэрин сырдатар “Ыллыыр-туойар, айар куттаах Хатын-Арыы” диэн ааттаах саҥа кинигэни сүрэхтиир дьоро күн буолан ааста.

Бу кинигэ тахсыытыгар өйөбүл, тирэх буолбут «Хатыҥ-Арыы нэһилиэк» МТ дьаһалтата, Баһылык Слепцов Юрий Иннокентьевич буолар. Культура кинигэтэ тахсарыгар, Пономарев Эдуард Тимофеевич сыратын биэрэн туран үлэлээн, барытын таҥан редакциялаан, тупсаран оҥорон, кинигэ таһаарар кыһатыгар бэчээттэнэн тахсан күн сирин көрдө. Бу кинигэҕэ бары үлэлэспит дьоҥҥо, Анна Михайловна Кривошапкинаҕа, Лена Тарасовна Сивцеваҕа, Клавдия Петровна Носковаҕа барҕа махталбытын биллэрэбит. Кинигэ 576 илиистээх, үчүгэй хаачыстыбалаах, сиэдэрэй көстүүлээх, культура эйгэтэ сайдыытын кэрэһэлиир дьоһун кинигэ буолан таҕыста.

$