Хатыҥ-Арыы нэһилиэк төрүттэммитэ 205 сылыгар аналлаах ыытыллар «Таптыаҕыҥ бу кэрэ дойдуну» тэрээһиннэр.

Үбүлүөйдээх тэрээһин үөрүүлээх чааһа 17ч. Аппааны бөһүөлэгин культурнай-спортивнай саалатыгар буолла.

Тэрээһин «Тапталлаах нэһилиэгим» диэн монтаһынан саҕаланна.

Юрий Потапов-Саргын тылларыгар, Андрей Замятин мелодиятыгар «Таптыаҕыҥ бу кэрэ дойдуну» ыллаатылар, хору таһаарда Андрей Слепцов, хору салайда СР культуратын туйгуна, хормейстер Саргылана Пономарева.

Эҕэрдэ тылы эттилэр: «Нам улууһа» МТ Баһылыгын солбуйааччы Обутова Марина ......., «Нам улууһа» МТ Депутаттарын Сэбиэтин председателэ Попов Иван Романович, Саха Республикатын «Ил Түмэн» Государственнай мунньаҕын Депутата Еремеев Алексей Ильич, Нам улууһун уонна Хатыҥ-Арыы нэһилиэгин бочуоттаах гражданина, Россия чулуу менеджера, тыа хаһаайыстыбатын Үтүөлээх улэһитэ - «КопирТехСервис» генеральнай директора Александр Тарасович Никифоров, “Алмазэргиэнбанк” Намнааҕы фиалын салайааччы Соловьев Владимир Юрьевич, Нам улууһун нэһилиэктэрин баһылыктара уо.д.а.

СР культуратын туйгунугар Кривошапкина Анна Михайловнаҕа уонна “Ил Түмэн” Государственнай мунньаҕын Депутатыгар Еремеев Алейсей Ильичкэ “Хатыҥ-Арыы нэһилиэк бочуоттаах олохтооҕо” Знак туттарылынна.

Үөрүүлээх, бырааһынньыктааҕы кэнсиэргэ кыттыыны ыллылар СР Үтүөлээх артыыската, Италияҕа ыытыллыбыт Аан дойдутааҕы вокалистар конкурстарын лауреата - Феодосия Шахурдина, баяҥҥа доҕуһуоллаата СР культуратын туйгуна Степан Слепцов, З.П. Винокуров аатынан Намнааҕы Оҕо Искусствотын оскуолатын „Ручеек“ образцовай үҥкүү коллектива (сал. СР культуратын туйгуна Надежда Москвитина) уонна Дьяконова Мария Егоровна салайар Хора, ырыаһыт Дмитрий Барабанов, Хатыҥ-Арыытааҕы оҕо искусствотын оскуолатын „Хатыҥчаана“ оҕо үҥкүү бөлөҕө (сал. Ноговицына А.Ю.) уонна Хатыҥ-Арыы нэһилиэк уус-уран самодеятельноһын кыттыылаахтара, ырыа, үҥкүү, фольклор бөлөхтөрө.