Тохсунньу 14 күнүгэр Аппааны бөһүөлэгэр, аҕам саастаахтар уонна пенсионердар Сана Дьыллаа5ы бырааьынньыктара үрдүк таһымнаахтык ааста. Биэчэр КСК киэҥ-куоҥ саалатыгар буолла. Биэчэри Адамова Н.И. уонна Находкин С.А. ыыттылар.

Үс дэриэбинэттэн син балайда киһи мустан, бырааһынньыктааҕы остуол тула олорон, Сана Дьыллаа5ы эҕэрдэ бииртэн биир нүөмэрдэри көрдүлэр. Ол курдук, Айталина Винокурова, Петр Машников, былырыын тэриллибит ветераннар уонна пенсионердар “Сыдьаайа” үҥкүү бөлөхтөрө (сал. Ноговицына Анжелика Юрьевна)– «Индийскай үҥкүү», “Стиляги” , “Цыганскай үҥкүү” үрдүк таһымнаахтык толордулар. Граф Биэрэгиттэн “Суллукууттэр”, “Графские бабки”, Анна Охлопкова, “Оьуор” ункуу белезун толоруутугар “Обручтаах” ункуу, “Моногольскай ункуу” толордулар.

Нэһилиэгин дьонун – сэргэтин, кэлбит Саргылаах Сана Дьылынан «Хатыҥ-Арыы нэһилиэк» муниципальнай тэриллии Баһылыга Слепцов Ю.И., Нам улууьун ветераннарын сэбиэтин председателэ Баишев М.С., Хатыҥ- Арыы нэьилиэгин ветераннарын уонна пенсионердарын председателэ Лебедева О.И. эҕэрдэ тылларын эттилэр. Хатыҥ-Арыы нэһилиэгин ветераннара уонна пенсионердара 2017 сыл түмүгүнэн бастыҥ үлэлээх общественнай тэрилтэ буолла уонна анал номинация тутта.

Үтүө үгэскэ кубулуйбут, аҕам саастаахтар Саҥа Дьылларыгар, атын да бырааһынньыктарга олус үчүгэй үгэс баар – бэйэ бэйэҕэ бэлэх бэрсэн, үөрүүлэрин үллэстии. Бары кэлбит ыалдьыттар жеребьевканан бэйэ бэйэлэрин үүммүт саҥа сылынан эҕэрдэлэһэн туран, бэлэх бэристилэр. Онон хас кэлбит киьи барыта илии тутуурдаах, өттүк харалаах барда.

• баҕарар бырааһынньык конкурса суох буолбат, онон анал күрэхтэр толкуйданан ыытылыннылар. Ол курдук, 2017 сыл Экология сылынан биллэриллибитэ. Бүгүҥҥү бырааһынньыктааҕы, Сана Дьыллааҕы Экология сылын түмүктүүр “Отходы в доходы” диэн конкурс биллэриллибит. Манна быраҕыллыбыт, туттуллубат араас матырыйаалтан оҥорон аҕалбыт оноһуктарын ааптардар тахсан көмүскээтилэр. Дьүүллүүр сүбэ быһаарыытынан 1 миэстэни- Петрова Н.Н. ылла. Онтон Павлова В.С., Павлова М.Е. , Сыромятникова А.Д. анал бириистэри туттулар.

Саҥа Дьыллаа5ы маскарад курэҕэр элбэх киһи оҥостон кэлбит. Бастыҥ маскараадтаахтарынан буоллулар: Петрова Н.Н. , Сивцева М.Н., Павлова М.Е., Олесова Е.Д.

Бырааһынньык биир сонун оонньуунан буолла хореограф Ноговицына А.Ю. пенсионердарга анаан хас биирдилэрин урукку вальс, краковяк, о.д.а. үнкүүлэри үҥкүүлэтэн көрдө. Эдэр саастарын санаан, дуоһуйа сынньанан, үгүс элбэх оонньууну оонньоон, сэргэхсийэн, дууһаларынан сүргэлэрэ көтөҕүллэн тарҕастылар.

Олус тэрээьиннээх, интэриэһинэй бырааьынньыгы тэрийбит, тэрийсибит бар дьоммутугар, Хатыҥ- Арыы нэһилиэгин баһылыгар Слепцов Ю.И., “Чороон”, “Самародок” , “Сайдыы” сынньалаҥ киин үлэьиттэригэр, Ноговицына А.Ю., нэһилиэк сэбиэтин председателлэригэр Лебедева О.И., Сметанина Т.Т., Петрова М.П. барҕа махтал тылларын тиэрдэбит.

Баҕарабыт барыгытар бу үүммүт сылга күн-түүн тупсуу, киэркэйии үксүү турдун, хас биирдии дьиэҕэ дьоллоох оҕо саас олоруохтун, ыарыы-дьаҥ ыалласпатын, уһун-дьоллоох олохтонуҥ!