Олунньу ый 17 күнүгэр, Уус-Алдан улууһугар Найахы нэһилиэгин народнай хора тэриллибитэ 55 сыллаах юбилейыгар уонна хормейстер Светлана Гоголева төрөөбүтэ 75 сылыгар аналлаах республиканскай “Дуорай Саха сирэ” хор коллективтарын көрүү конкурса буолан ааста. Барыта 17 коллектив, 430 киһи кыттыыны ылла.

Аппааны бөһүөлэгин хора 3 степэннээх лауреат аатын ылла уонна А.Костин музыкатыгар, З.Винокуров-Чаҕылҕан тылларыгар, Степан Слепцов тупсаран оҥоруутугар “Хайыһар” ырыатыгар “Лучшее акапельное исполнение” номинация тутан улахан ситиһиилэнэн кэллилэр.

Хору салайда СР Культуратын туйгуна Саргылана Пономарева, баяҥҥа доҕуһуоллаатылар СР Культуратын туйгуннара Степан Слепцов, Ариан Васильев. Хору таһаардылар ырыаһыттар Андрей Слепцов, Андрей Замятин.