Бу дьыл, муус устар ый 14 күнүгэр 1 Хомустаах нэһилиэгэр, Нам улууһугар 2019 сылга ыытыллар Олоҥхо ыһыаҕар ананар улуустааҕы «Төрүт дорҕоон түһүлгэтэ» фольклорнай фестиваль ыытылынна.

Биһиги нэһилиэктэн «Чороон» с.к. иһинэн үлэлиир фольклорнай бөлөхтөр кыттан «Норуот ырыатын» көрүҥэр «Дорҕоон» этно-бөлөх МУҤУТУУР КЫАЙЫЫЛААХ үрдүк аатын ылла, солист Роман Николаев, салайааччы эдэр кэскиллээх үлэһит Степан Находкин.

Ону тэҥэ «Дуораан» фольклорнай бөлөх (сал. Нюргуяна Адамова) «Норуот ырыатын» көрүҥэр 1 степеннээх ЛАУРЕАТ үрдүк аатын ылла.

«Норуот инструменнара» көрүҥҥэ «Дорҕоон» этно-бөлөх (кыттааччылар Степан Суздалов, Мичил Афанасьев, Кирилл Аммосов, Роман Николаев, Степан Находкин, Петр Машников) 2 степеннээх ЛАУРЕАТ аатын ылары ситистэ (сал. Степан Находкин). Оһуохай этээччилэргэ Марианна Винокурова МУҤУТУУР КЫАЙЫЫЛААХ үрдүк аатын ылла. Ону таһынан, тэрийээччилэр ааттарыттан («Алгыс» с.к.) МАХТАЛ СУРУК туттарылынна салайааччыга Нюргуяна Адамоваҕа.

«Төрүт дорҕоон түһүлгэтэ» фольклорнай фестивалы сыаналаатылар Дьокуускайдааҕы Культура уонна искусство колледжын преподавателлэрэ Г.Г. Сергучев (жюри председателэ), М.Н. Винокуров, М.Г. Боппоенова, Г.А. Лыткина. Бу фестивальга уопсайа 150-чэ киһи кыттыыны ылла.