Алтынньы ый 31 күнүгэр, «Арчы» с.к. (балаҕаҥҥа) «Чороон» с.к. иһинэн үлэлиир «Одун» олохтоох ыччат олоҥхо толорооччулара уһуйаан, оскуола оҕолоругар уонна олохтоохторго, ыалдьыттарга анаан Ийэ олоҥхоһут А.Е. Соловьев «Уолан Дохсун» олоҥхотун үгэс быһыытынан толордулар. «Одун» олоҥхоһуттар бөлөхтөрүн салайар «Чороон» с.к. уус-уран салайааччыта Марианна Николаевна Винокурова.

«Одун» олоҥхо бөлөҕүн кыттыылаахтара - Хатыҥ-Арыы нэһилиэгин үлэһит ыччат дьоно.

Көрөөччүлэр уһуйаан, оскуола оҕолоро уонна олохтоох дьон бука бары сахалыы таҥастаах кэлэн олус истиҥ тэрээһин буолан ааста.

Олохтоох «Хатыҥчаан» звукостудия видеоҕа устан интернет ситимигэр уган тарҕатта.