Сэтинньи 2 күнүгэр Аппааны бөһүөлэгин " Чороон"сынньалаҥ киин көҕүлээһининэн С.Зверев-Кыыл Уола аатынан Үҥкүү тыйаатырын национальнай оркестрын иһинэн " Кыл Саха " төрүт дорҕоон бөлөҕө уонна үҥкүүһүттэрэ кэлэн кэнсиэрдээтэ. Саха тыыннаах муусуканы киһи истэ-көрө эрэ олоруох курдук.

Композитор Аркадий Самойлов " Уруу" спектаакылын " Ат сүүрдүүтэ уонна Битии ". Театр солистара Руслан Габышев, Афанасий Томскай уонна импровизатор, хомусчут Василена Ширяева Ох саа кылынан " Өбүгэ тыынын" доҕуһуоллаатылар. Бэйэбит биир дойдулаахпыт композитор Василий Зырянов, Сергей Зверев - Кыыл Уола айымньытыгар олоҕуран " Оһуор туос " спектаакылыттан быһа тардан оонньоотулар уо.д. а. сахалыы тыыннаах инструменнарга оонньоон көрөөччүлэри сөхтөрдүлэр, иһитиннэрдилэр. Үҥкүү театрын артыыстарын Саргылана Тарабукина, Алексей Максимов толорууларыгар юкагирскай уонна куукулалар үҥкүүлэрин толордулар. Руслан Габышев олох норуоттан тахсыбыт талаан эбит. Бэйэтэ оҥорбут инструменнарынан оонньоон дьону сөхтөрдө. Саха төрүт инструменын оҥоруутун, араас тыаһын-ууһун чахчы баһылаабытын көрдөрдө.

“Дьол” диэн эдэр муусукааннар бөлөхтөрө тэриллибит. Ол курдук, биир дойдулаахпыт, Хатыҥ –Арыы Оҕо искусствотын оскуолатын бүтэрээччитэ, СӨ култууратын туйгуна Степан Иннокентьевич Слепцов үөрэнээччитэ, "Дьол" ансаамбыл салайааччыта, Аан дойдутааҕы куонкурустар лауреаттара, биллиилээх музыкант, СӨ култууратын туйгуна Дмитрий Винокуров- бас гитара. Намнааҕы З. Винокуров аатынан Оҕо искусствотын оскуолатын бутэрээччитэ, СӨ култууратын туйгуна Николай Николаевич Пестряков үөрэнээччитэ, хас да төгүллээх куонкурустар лауреаттара, оркестр солиһа Виктор Винокуров - Дабайаан баяҥҥа уонна СӨ культуратын туйгуна Афанасий Федоров - ударнай инструменҥа доҕуһуоллаатылар.

Олохтоохтор олус астынан, дохсун ытыстарын тыаһын харыстаабакка тыаһаттылар. Тыыннаах муусуканы, доҕуһуолу эт кулгаахтарынан истэн олус сэргээтилэр, астыннылар.

Маны таһынан бэйэбит олохтоох дэгэрэҥ куоластаах ырыаһыттарбыт,

" Дуораан " трио уонна Рома Николаев оркестр доҕуһуолунан саха норуот ырыаларын толордулар. Кэнсиэр бүтэһик нүөмэрэ- өбүгэбит үҥкүүтүн, оһуохайы көрөөччүлэри кытары тэҥҥэ ыллаатылар.

Түмүккэ бэйэбит биир дойдулаахпытыгар музыкаҕа уһуйбут , үөрэппит, такайбыт оскуолата, “Чороон” с/к уонна И.Е.Винокуров аатынан оскуола директора, кылааһын салайааччыта Дмитрий Иванович Ноговицын өйдөбүнньүк бэлэхтэри туттардылар, уопсай хаартыскаҕа түстүлэр. Төрүт дорҕоон " Кыл Саха " бөлөҕүн салайааччытыгар Анна Томскаяҕа " Чороон " сынньалаҥ киинин аатыттан истиҥ махтал тыллардаах Махтал сурук туттардылар.

Инникитин “Кыл Саха” бөлөх айар үлэтигэр өссө үрдүк ситиһиилэри баҕарабыт, аны да биһиэхэ кэлэн кэнсиэрдээн сэргэхситэллэригэр баҕарабыт.