" Чороон " сынньалаҥ киинигэр түөлбэлэр икки ардыларыгар " Байанайдаах булчут " диэн сэргэх күрэх буолла. 6 түөлбэ кыттыыны ылла. Кыһыл Дэриэбинэ " Сандаара " түөлбэттэн Пётр Васильевич Охлопков, ". Саһарҕа " түөлбэттэн Петров Николай Николаевич, " Чэчир " түөлбэттэн Алексей Андреевич Евсеев, " Виктория " түөлбэттэн Иннокентий Иннокентьевич Петухов, " Молодёжнай " түөлбэттэн Владимир Иванович Макаров, Граф Биэрэгин " Солнечнай " түөлбэ Иннокентий Иванович Тумусов. Күрэх бастакы көрүҥэ - Байанайтан көрдөһүү Алгыс тыл. Иккис түһүмэх көрүҥэ кыттааччылар тыаҕа бултуу балыктыы сылдьалларын туоһулуур хаартыскаларынан бэйэлэрин билиһиннэриилэрэ. Үһүс, төрдүс түһүмэхтэр, булт туттар тэрилиттэн, кыыллар суолларыттан, араас булка сыһыаннаах ыйытыыларга суругунан эппиэттээтилэр. Өйдөрүн тургутан көрдүлэр. Бэһис түһүмэх сыал ытыыта. Спорт биир сайдыбыт көрүҥэ " Дартс". Маны иилээн - саҕалаан ыытта Хатыҥ - Арыы нэһилиэгин " Эдэр ыччат, физкультурнай культура, спорт" тэрилтэтин дириэктэрэ Егор Константинович Бурнашёв. Комментарийдаан олус интэриэһинэйдик ыытта. Ол гынан кыттыылаахтары дьүүллүүр сүбэ кэмитиэтэ Мичил Борисович Герасимов - Нам улууһун Аҕа сэбиэтин бэрэссэдээтэлэ, Дмитрий Васильевич Кривошапкин - общественнай булт инспектора, Роман Романович Слепцов - " Баай Барыылаах Байанайдаах Булчут " 2015 сыллааҕы кыайыылааҕа. Бүгүҥҥү күрэх кылаабынай спонсора. Кинилэр быһаарыыларынан бүгүҥҥү күрэххэ кыайыылааҕынан буоллулар, " Молодёжнай " түөлбэ, аатын чиэһин көмүскээбит кыттааччыга Диплом, УАЗ массыына муус спонсор Слепцов Р. Р. Иккис миэстэ " Чэчир" түөлбэ кыттааччыга Диплом уонна " Булчут " маҥаһыынтан 1000 сууммалаах сертификат. Үһүс миэстэ " Саһарҕа " түөлбэ кыттааччытыгар диплом уонна ону таһынан кыттааччыларга түөлбэ көмүскээччилэригэр олохтоох түөлбэлэрин ааттарыттан уонна олохтоох Дьаһалта аатыттан Хатын - Арыы нэһилиэгин историятын туһунан оҕолоро, сиэннэрэ кинигэни ааҕан билэллэрин бар дьоҥҥо кэпсии сэһэргии сылдьалларын туһугар өйдөбүнньүк кинигэни бэлэхтээтилэр. Саамай эдэр 18 саастаах эдэр кэскиллээх кыттааччыга , техникум устудьуонугар Тумусов И.И. , Аҕалар түмсүүлэрин ааттарыттан сэмэй бэлэх тутта.