Сэтинньи ый 30 күнүгэр А.Шестаков аатынан норуот айымньытын дьиэтигэр РФ композитордарын союһун чилиэнэ, СӨ искусствотын үтүөлээх деятелэ, Үөдэй, Никольскай, Нам улууһун Ытык киһитэ В.А.Зырянов кэриэһигэр "Көмүс дорҕоон түһүлгэтэ" диэн ааттаах Нам улууһун вокальнай ансаамбылларын, хоровой коллективтарын  көрүү буолан ааста. Уопсайа 6 коллектив кытынна. Манна "ГРАН-ПРИ" аатын Аппааны бөһүөлэгин "Чороон" сынньалаҥ киин хорун коллектива ылла. Хормейстер СӨ культуратын туйгуна Пономарева С.Д.