Тохсунньу ый 19 күнүгэр Кыһыл Дэриэбинэ саҥа үлэҕэ киирбит кулуубугар “Сайдыы” сынньалаҥ киинигэр, Хатыҥ-Арыы нэһилиэгэр 13-с төгүлүн “Сыл Бастыҥнара” буолан ааста.

Тэрээһин Хатыҥ-Арыы нэһилиэгин өрөгөйүн ырыатынан уонна Баһылык эбээһинэһин толорооччу Марков Г.Г. эҕэрдэтинэн өрө көтөҕүүлээхтик арылынна.

2018 сыл түмүгүнэн Нэһилиэк общественнай тэрээһиннэригэр, тыа хаһаайыстыбатыгар, социальнай – экономическай сайдыытыгар, культура уонна спорт эйгэтигэр урдүк көрдөрүүнү ситиспит 10 уһулуччу спортсмен, ону тэҥэ нэһилиэк шахмакка хамаандата уонна дартс клуба киирдилэр. Номинацияларга «Лучший сельхоз товаропроизводитель», «Достижение года», «Партнерство», «Содействие», «Инвестор года», «За вклад в историю наслега», «Семья года» ааттаннылар.

Россияҕа Гражданскай көхтөөх буолуу, Саха сиригэр нэһилиэнньэ дьарыктаах буолуутун, Нам улууһугар үлэ уонна дьарыктаах буолуу сылларыгар анаан “Хатыҥ-Арыы нэһилиэк” МТ депутаттарын Сэбиэтин мунньаҕа быһаарыытынан, “Үтүө дьыала холобура” анал ааттары туттарда.

Хатыҥ-Арыы нэһилиэгэр “Сыл Бастыҥнара” улахан тэрээһиҥҥэ биир бөдөҥ түгэнинэн буолар – түөлбэ үлэтин түмүгүн таһаарыы. Нэһилиэккэ уопсайа 7 түөлбэ сыл устата культурнай, спортивнай, общественнай үлэҕэ үрдүк көрдөрүү иһин киирсэн, 2018 сыл түмүгүнэн 3 бастыҥ түөлбэ аата ааттанна, ол курдук 3 миэстэ “Виктория” түөлбэ, салайаачы Соловьева Е.А. 75 000 солк., 2 миэстэ “Ыччат квартала” түөлбэ, сал. Слепцова Е.В. 100 000 солк. уонна хаһыс да төгүлүн үрдүк көрдөрүүлээх “Чэчир” түөлбэ, сал. Рожина О.В, 150 000 солк., ону тэҥэ, “Сандаара”, “АЛРОСА”, “Солнечнай” уонна “Саһарҕа” түөлбэлэр 15 000 солк. сууммалаах сертификаттарынан наҕараадаланнылар.