Бүлүүгэ – «Поющее мужское братство» республикатааҕы көрүү-күрэх Олунньу 23 күнүгэр Бүлүү куоратыгар А.Н.Семенов аатынан XV республикатааҕы «Поющее мужское братство» көрүү-күрэх үрдүк таһымнаахтык ыытылынна. Быйылгы конкурс композитор, РСФСР уонна ЯАССР үтүөлээх деятелэ Грант Григорян төрөөбүтэ 100 сылыгар, «Поющее мужское братство» көрүү-күрэх бастакы тэрийээччитэ, мелодист, саха мелодист, саха мелодистарын айымньыларын хомуйан (ырыанньыктары) оҥорооччу, Бүлүү улууһуттан төрүттээх Анатолий Семенов төрөөбүтэ 75 сылыгар уонна Бүлүү куората төрүттэммитэ 385 сылыгар ананан тэрилиннэ.Барыта 12 улуустан 30 эр дьон ансаамбыла кыттыыны ыллылар.  “Народнай” ааты сүгэр 6 коллективтар икки ардыларыгар:
• 1 степеннээх лауреат - «Иэйии» ансамбль (Амма, Алтан с., сал. Неутроев В.А.);
• 2 степеннээх лауреат «Дьүрүскэн» (Бүлүү, Тыымпы, сал. Константинов И.С.);
• 3 степеннээх лауреат - «Төлөн» (М-Хаҥалас, Табаҕа, сал. Егоров П.П.). Любительскай 24 коллективтар икки ардыларыгар:
1 степеннээх лауреат - «Дуорай» ансамбль (Нам, Аппааны, сал. Пономарева С.Д.);
• 2 степеннээх лауреат - «Добун» (Нам, Нам с., сал. Татаринов А.И.);
• 3 степеннээх лауреат - «Төннүгэс андылар» (Амма, Сатагай с. сал. Варфоломеев И.А.). • 1 степеннээх дипломант - «Эрчимэн» (Сунтаар, Элгээйи, сал. Семенова М.С.);
• 2 степеннээх дипломант - «Ситим» (Үөһээ Бүлүү, сал.Миронова А.Ф.);
• 3 степеннээх дипломант «Дуолан» (Уус-Алдан, Бороҕон, сал. Луковцев С.Н.).Гран-при үрдүк аатын Туоһу Суругун уонна улуус дьаһалтата (баһылык Винокуров С.Н.) уонна Бүлүү улууһун культураҕа, ыччакка уонна дьиэ кэргэн политикатыгар управлениета (начальник Дашевская А.А.) туруорбут 100000 сууммалаах Сертификаты Бүлүү куоратын «Алгыс» сынньалаҥ Киинин «Кылыһах» эр дьон хоругар, салайааччы Саха Республикатын культуратын туйгуна О.Н. Корякина ыллылар