Хас биирдиибит бу орто дойдуга чугастан чугас киһибитигэр - Ийэбитигэр сүрэхтэн кутуллар истиҥ - иһирэх тыллары этэбит. Бүгүн Аан дойду Дьахталларын күнүнэн " Дуорай" эр дьон ансаамбыла ( салайааччы СӨ культуратын туйгуна Саргылана Пономарёва ), " Ис сүрэхтэн " диэн бырааһынньыктааҕы сэргэх кэнсиэр көрдөрдүлэр. Бииртэн биир саҥа сонун , кэрэ куоластарынан киһи эрэ истэ көрө олоруох курдук ырыалары бэлэхтээтилэр. Ону кытары " Сыдьаайа " үҥкүү бөлөҕө ( салайааччы Анжелика Ноговицына ) кэнсиэри үҥкүүлэринэн, муодаларынан өссө киэргэтэн биэрдилэр. Кэнсиэри иилээн саҕалаан ыытта СӨ культуратын туйгуна Иван Новиков, байааҥҥа доҕуһуоллаата СӨ культуратын туйгуна Ариан Васильев. Түмүккэ сүүйүүлээх лотерея оонньонон, ыалдьыттар үөрүүлэрэ үгүс.