13 - с Өрөспүүбүлүкэтээҕи Олоҥхо ыһыаҕын көрсө, Нам улууһугар Олоҥхо сылын арыйар, Хатыҥ-Арыы нэһилиэгэр "Норуот айымньытын сылын " биллэриллэр, Олоҥхо аһыллыыта буолла. Бу күн олохтоохтор киһи хараҕа үөрэ көрөр бары сахалыы таҥастаах кэлбиттэр. Кэлбит ыалдьыттары алаадьынан, быырбаҕынан күндүлээтилэр. Саалаҕа киирээт буспут алаадьы сыта, киһи сүрэҕин сылаанньытар. Бу дрлгуҥҥа уйдаран Хатыҥ -Арыы нэһилиэгэ М/Т баһылыга Ноговицын Д.И. нэһилиэккэ "Норуот айымньытын сылынан" саҕаламмытынан итии- истиҥ эҕэрдэтин тиэртэ. "Дьырыбына Дьырылыатта Кыыс бухатыыр " олоҥхотун "Чороон" с/к "Одун "- олоҥхо бөлөҕө толорон саҕалаатылар. "Оһуор" үҥкүү коллектива, "Сандаара " инф.балыыһа коллектива, "Дьүһүйүү " коллектива туойдулар киэргэттилэр. Салгыы СӨ президенин гранын кыайыылааҕа, РФ нэһилиэнньэҕэ бытовой өҥөнү оҥоруу уонна оҥорон таһаарыы туйгуна "Золотой снежок" конкурс Гран-при хаһаайката. Үлэ бэтэрээнэ. Үрдүк категориялаах иистэнньэҥ Маргарита Ивановна Чеснокова Саха таҥаһа өбүгэ төрүт иискэ үгэһин, саха бастыҥ таҥаһын быһыытын таһаатын, киэргэлин - симэҕин уратытын, итэҕэлгэ ситимнээх бэлиэлэрин, ойуутун дьарҕаатын суолтатын туһунан иһитиннэрдэ, көрдөрдө, сүбэлээтэ. Бу үөрүүлээх түгэн уопсай хаартыскаҕа түһүүнэн түмүктэннэ.