Сарсыарда 11 чаастан ыам ыйын 8 күнүгэр өрөгөйдөөх Улуу Кыайыы 74 сылын үөрэ – көтө көрсө Аппааны бөһүөлэгин параадтаан хаамтылар. Бу Улуу өрөгөйдөөх күн ахтан-санаан ааһыах сэрии кэминээҕи ыар сыллары, тыыл ыарахан үлэтин, сэрии тулаайах оҕотун хараҕын уутун. Ол оҕолор оонньооботох оҕо саастарын, уоттаах сэрии ыар тыына хара былыт буолан саппыт күннэрин өйдөбүнньүк оҥостон өрүү өйдүү сылдьар иэстээхпит.

Биһиги нэһилиэктэн 274 киһи ыҥырыллан сэриигэ барбыта, онтон 180 киһи кыргыһыы толоонугар геройдуу охтубуттара. Аҕа дойду Улуу сэриитин историятын биһиги көлүөнэ умнар бырааппыт суох. Бу 1418 хонук устата барбыт уот сэрии, көлүөнэттэн - көлүөнэҕэ тиэрдиллэн, умнуллуо суохтаах!

    Биһиги биир дойдулаахтарбыт дойдуларын туһугар бэриниилээхтик өстөөҕү утары кыргыспыттара. Кинилэр хорсуннарын туоһулууллар кинилэр наҕараадалара. «Слава орден» 1, 2, 3 степеннээх орденынан, ону таһынан «За отвагу» мэтээлинэн, «Кыһыл сулус» орденынан наҕараадаламмыт – биһиги ытыктыыр, убаастыыр ветераннарбытыгар, эр –хорсун санаалаах саллаат доҕотторбутугар, кыргыһыы хонуутугар охтубут буойуттарбытыгар үйэ –саас тухары албан аат! «Ким да умнуллубат, туох да умнуллубат!»