Балаҕан ыйын 21 күнүгэр " Күһүҥҥү киһи күлбүтүнэн " диэн улуустааҕы Тыа хаһаайыстыбатын күһүҥҥү дьаарбаҥката буолла. Сэттэ нэһилиэктэн бааһынай хаһаайыстыбалар уонна биирдиилээн дьон көхтөөхтүк кытыннылар. Саамай көхтөөх түмсүүлээх Хатыҥ-Арыы нэһилиэгэ 1- миэстэ буолла, үөрүүбүт улахан. Иккис 2- Хомустаах, үһүс Хамаҕатта нэһилиэгэ буоллулар. Бааһынай уонна чааһынай хаһаайыстыбалар көрүҥнэригэр Винокуров З.А, Олесова Е.Дм, Аммосов Н.Н маҥнайгы миэстэ буоллулар. Спорт көрүҥэр Находкин С.А, Винокурова М.Н маҥнайгы миэстэ буоллулар. " Моҕустар күрэхтэригэр" - Находкин С.А маҥнайгы миэстэҕэ тигистэ. Ону таһынан Намнааҕы техникум устудьуоннара уонна маастар Миралюбовь Григорьевна Сивцева маастар кылаас көрдөрөннөр норуоту үөрэттилэр, сэҥээртилэр, сөхтөрдүлэр. Нэһилиэк Культуратын үлэһиттэрэ бу курдук сылын ахсын тэрийэн ыыталларыгар, күүс көмө буолбут дьонноругар, олохтоохторго улахан Махталлар Эҕэрдэлэрин тиэрдэллэр.