Самодеятельнай ырыа айааччы, баянист Илья Львович Христофоров 80 сааһын көрсө «Байааным көмүс дорҕоонноро» диэн улуустааҕы баянистар күөн-күрэстэрэ Нам сэлиэнньэтин, А.Ф. Шестаков аатынан Норуот айымньытын дьиэтигэр сэтинньи 15 күнүгэр буолан ааста. Манна биллиилээх музыкант-баянистар Михаил Павлов, Иннокентий Готовцев, Алексей Потапов кыттааччылары баяҥҥа толоруу маастарыстыбаларын, айымньыны киэргэтэн толорууну, сыанаҕа туттууну-хаптыыны 2 бөлөххө профессиональнай уонна любительскай толорооччулар диэн арааран сыаналаатылар. Любительскай толорооччуларга Аппааныттан «Чороон» сынньалаҥ киинин звукорежиссера, баянист Ариан Иванович Васильев кыттан 1 степеннээх Лауреат аатын ылла.