Сэтинньи ый 17 күнүгэр, Нам улууһун  1 Хомустаах  бөһүөлэгэр ыытыллыбыт А.Н. Окоемов аатынан, Россия Образцовай коллектива «Мичээр» народнай үҥкүү ансаамбыла тэриллибитэ 35 сыллаах юбилейыгар анаммыт «Күн мичээрэ» Республиканскай үҥкүү конкурса үрдүк таһымнаахтык ыытылынна. Манна республикабыт араас муннуктарыттан үгүс үҥкүү коллективтара кытыннылар. Ол курдук, муҥутуур кыайыылааҕынан «Кустук» сахалыы народнай үҥкүү ансаамбыла (Миирнэй куорат) буолла. Хатыҥ-Арыы нэһилиэгиттэн «Чороон» сынньалаҥ киинин иһинэн үлэлиир, хореограф Иванова Варвара Кирилловна салайааччылаах «Оһуор» үҥкүү бөлөҕө «Сайылык кыргыттара» үҥкүүнэн ситиһиилээхтик кыттан 2 степеннээх Лауреат үрдүк аатын ылары ситистилэр. Кыргыттары ис сүрэхпититтэн эҕэрдэлиибит, баҕарабыт өссө да үрдүк ситиһиилэри, санаммыккыт сатанан истин, туппуккут тупсан истин.