Тохсунньу ый 15 күнүгэр Кыһыл Дэриэбинэ саҥа кулуубугар Хатыҥ-Арыы нэһилиэк аҕам саастаахтарын Саҥа Дьыллааҕы киэһэлэрэ буолан ааста. “Символ года” сыл бэлиэтин бэйэ оҥоһугар, остуол маанылаах бүлүүдэтигэр уонна маскарадтарга күрэхтэр, эйэҕэс эҕэрдэлэр, ыллам ырыалар, үҥкүү-битии ньиргийдэ. Үтүө үгэскэ кубулуйбут тэрээһиҥҥэ, бэйэ бэйэҕэ бэлэх бэрсэн, үөрүүлэрин үллэстэн, үүммүт сылга алгыс ылан, 2020 сылы өрө көтөҕүүлээхтик көрүстүлэр!