Өрөгөйдөөх Улуу Кыайыы 75 сылын көрсүү чэрчитинэн,  Кыайыы Знамятын республикатааҕы эстафета былааҕа Саха сирин 30 улууһун кэрийэн кулун тутар 6 күнүгэр Нам улууһугар кэллэ.
Кулун тутар 8 кунугэр Бөтуҥ нэhилиэгэ Знамяны Хатын-Арыы баһылыгын солбуйааччытыгар Герман Герасимовичка үөрүүлээх быһыыга-майгыга туттарда. Салгыы эстафета Искра нэhилиэгэр туттарылынна.
Кыайыы Знамята салгыы улууспут нэһилиэктэринэн бэриллэн, кулун тутар 13 күнүгэр Уус Алдан улууһугар туттарыллыаҕа.
Үгүс сыранан, хаан тохтуутунан кэлбит Улуу Кыайыы тугунан да толуллубат ыар сүтүгүн, ааҥнаабыт алдьархайын үйэттэн үйэҕэ умнубакка өйдүү-саныы, онно сүгүрүйэ, киэн тутта сылдьар – биһиги ытык иэспит.