Балаҕан ыйын 17 күнүгэр үтүө үгэскэ кубулуйбут Нам улууһугар «Үүнүү - 2022» күһүҥҥү атыы-эргиэн дьаарбаҥката ыытылынна. Хатыҥ-Арыы нэһилиэгэ сылын аайы буоларын курдук, үрдүк таһымнаахтык бэлэмнэнэн тэриннэ. Быйылгы сылга хортуоска дэлэйдик, өлгөмнүк үүммүтүн бэлиэтээн «Царь картошка» диэн темалаан фотозона, быыстапка хортуоскаттан араас аһылык астаан остуол тэрийдэ. Бу тэрээһиҥҥэ культура үлэһиттэрэ, общественность, түөлбэ олохтоохторо, олохтоох администарция көмөтө сүҥкэн буолан Тыа хаһаайыстыбатын дьаарбаҥкатыгар хаһыс да төгүлүн «Саамай тэрээһиннээх нэһилиэк» үрдүк аатын ылан кыайыы өрөгөйүн биллибит.

Хатыҥ-Арыы нэһилиэгин тыатын хаһаайыстыбатын аатыттан «Бастыҥ кэтэх хаһаайыстыба» номинациятыгар Мухина Саргылана Николаевна 1 миэстэни, «Бастыҥ коллективнай фермерскай хаһаайыстыба» номинацияҕа Дьяконов Сергей Егорович 2 миэстэни ыланнар сыаналаах бирииһинэн наҕараадаланнылар.