Алтынньы 21 күнүгэр Аппааны бөһүөлэгин «Чороон» НАК түөлбэлэр икки ардыларыгар Россияҕа култуурнай нэһилиэстибэ, Саха сиригэр Ийэ сылларыгар уонна Ийэ күнүгэр анаан Хатыҥ-Арыы нэһилиэгин түөлбэлэрин иһинэн ыытыллар «Сайаҕас мичээрдээх күн күбэй Ийэлэр» конкурс үрдүк таһымнаахтык ыытылынна. Бу күн «Чороон» НАК саҥа үлэ сезонун үөрүүлээхтик арыйда.

Бырааһынньыктааҕы киэһэни Нюргуяна Адамова, Степан Находкин иилээн-саҕалаан ыыттылар.

Тэрээһини «Сайдам» оҕо үҥкүү бөлөҕө (салайааччы Варвара Иванова), ылбаҕай ырыаларын Владимир Власов, Горьяна Стрекаловская, Петр Машников, Леонид Чупров бэлэх ууннулар. Киирии фойеза элбэх о5о күн күбэй ийэтэ, тапталлаах эбээ, общественник, женсовет председателя тарба5ар талааннаах Дария Мальцева ииһин быыстапката турда. Залга олорор ийэлэри «Хатыҥ-Арыы нэһилиэк» МТ Баһылыга Иван Ноговицын э5эрдэлээн туран, бу күн үбүлүөйдээх дьоҥҥо Галина Варламова5а нэһилиэк махтал суругун, Дария Мальцева5а нэһилиэк анал бэлиэтин уонна сибэкки дьөрбөтүн  туттартаата.

Нэһилиэк общественнай, культурнай-спортивнай олоҕор көхтөөх ийэлэргэ «Хатын–Арыы нэһилиэк» МТ баһылыгын эҕэрдэ, махтал суруктарын үөрүүлээх быһыыга-майгыга Мария Кривошапкина, Туйара Максимова, Анастасия Тимофеева, Галина Маркова  туттулар. Биһиги нэһилиэк олохтоохторун аатыттан Аппааны бөһүөлэгин олохтооҕун 8 оҕолоох эдэр Ийэни, «Материнская Слава» 2 степэннээх мэтээл хаһаайкатын Панькова Александра Романовнаны Саха сиригэр Ийэ күнүнэн истиҥник эҕэрдэлээтилэр. «Сайаҕас мичээрдээх күн күбэй Ийэлэр» конкурска түөлбэлэртэн үстүү ийэ сааһыттан тутулуга суох, хамаанда буолан кытыннылар.  Дьүүллүүр сүбэ председателя “Хатыҥ-Арыы нэһилиэк” МТ Баһылыга Иван Ноговицын, Нам 1 нүөмэрдээх оскуолатын алын сүһүөх кылаас учуутала, улуустааҕы “Россия Ийэлэрэ” түмсүү председателя Марианна Рожина, Нам начальнай оскуолатын иитии чааһыгар директоры солбуйааччы Анна Ядрихинская.

 $IMAGE8$ 

           Алта түөлбэ кыттыыны ылла, жеребьевка түмүгүнэн бастакыннан Аппааны бөһүөлэгин “Озернай” түөлбэттэн (сал. Тимофеева А.А.) Анна Слепцова, Ольга Игнатьева, Айыына Матвеева, сал5ыы Граф Биэрэгин түөлбэтиттэн  Анастасия Румянцева, Виктория Охлопкова, Анжела Алексеева,“Саһарҕа” түөлбэтиттэн (сал.Максимова Л.Д.) Анна Рожина, Наталья Петрова, Татьяна Софронова, “Виктория” түөлбэттэн Туйара Винокурова, Татьяна Доромонова, Туйара Максимова, Кыһыл Дэриэбинэ “Сандаара” түөлбэттэн (сал. Платонова А.Р.) Мария Кривошапкина, Розалия Петрова, Элеонора Николаева, “Чэчир” түөлбэттэн (сал. Рожина О.В.) Виктория Слепцова, Варвара Слепцова, Прасковья Куличкина.    

«Норуот күүһэ – көмүөл күүһэ» диэн мындыр өйдөбүл бүгүҥҥү бырааһынньыктаа5ы кэрэни кэрэхсиир киэһэбитигэр сүрүн күүс буолла, ол курдук, нэһилиэкпит индивидуальнай предпринимателлэрэ: ИП Новгородов Борис Григорьевич магазин «Копир+», ИП Марков Виталий Реворьевич, ИП Соловьев Владислав Иннокентьевич, «Солнышко» маҕаһыын, директор Лукина Саргылана Ильинична, «Кустук» маҕаһыын, директор Чириков Николай Егорович, «Чороон» НАК буоллулар. Түмүккэ, мунутуур кыайылааҕынан Аппааны бөһүөлэгин “Виктория” түөлбэ ааттанан спонсордар сертификатынан бэлэхтэринэн уонна анал дипломунан на5араадаланна. Бары кыттыбыт түөлбэ хамаандатыгар олохтоох дьаһалта Намнаа5ы техникум минньигэс тордун бэлэх уунна. “Озернай” түөлбэ “Амарах ийэлэр”,“Сандаара” түөлбэ “Иэйиилээх ийэлэр”, “Графский” түөлбэ “Иһирэх ийэлэр”, “Чэчир” түөлбэ “Талааннаах ийэлэр”, “Саһар5а” түөлбэ “Сатабыллаах ийэлэр” номинациялар хаһаайыттара буоллулар. Конкурс кыттыылаахтарын түөлбэ дьоно-сэргэтэ, табаарыстара, аймахтара э5эрдэлээтилэр, сэмэй бэлэхтэрин, сибэкки дьөрбөтүн туттардылар.