«Дьону хаарбах дьиэттэн көһөрүү» государственнай программаҕа киллэрэн Аппааны бөһүөлэгэр өссө биир 2 квартиралаах толору хааччыллыылаах дьиэни арыйар үөрүүлээх тэрээһин ыытылынна!

Индивидуальнай предприниматель Марков Виталий Реворьевич  салайааччылаах «Дьону хаарбах дьиэттэн көһөрүү» государственнай программа5а оло5уран, өбүгэлэрбит кэскиллэрин кэҥэтэн, удьуордарын ууһатан, олох оҥостон сылаас, сырдык, аныгылыы тутуулаах, толору хааччыллыылаах саҥа дьиэҕэ киирии үөрүүлээх күнэ бүгүн, сэтинньи 7 күнүгэр буолла.

Хатын-Арыы нэһилиэгэр биир үөрүүлээх түгэн тосхойбутунан өссө төгүл э5эрдэлээн туран ытык-мааны ыалдьыттарбытыгар алгыс маанытын, э5эрдэ тылларын анаатылар: «Нам улууһа» МТ Баһылыга Слепцов Юрий Иннокентьевич, «Хатыҥ-Арыы нэһилиэк» МТ Баһылыгар Ноговицын Иван Дмитриевич, Нам Улууһун Тутууга Управлениятын Начальнига Эверстов Петр Данилович, тутааччы-застройщикка Индивидуальнай предприниматель Марков Виталий Реворьевич.

Марков Виталий Реворьевич саҥа дьиэ хаһаайыттарыгар - Анастасия Васильевна, Иван Иванович Ивановтар дьиэ кэргэттэригэр уонна Данилов Гаврил Иннокентьевичка уонна кини кыыһыгар Мария Гаврильевнаҕа сабыс саҥа, сырдык, сылаас дьиэ күлүүстэрин  үөрүүлээх быһыыга-майгыга туттарда.

Салайааччыларга, тутааччыларга бары үтүөнү, үлэлэрэ-хамнастара сайдан ситиһииттэн ситиһиигэ дабайан иһэллэригэр, туппут эбийиэктэринэн киэн тутталларыгар ис сүрэхтэн баҕарыаҕыҥ.