12:08 Бастакы саргылаах Саҥа Дьыл бырааһынньыга | |
Ахсынньы 31 күнүгэр Саргылаах сана дьылы көрсүү киэһэтигэр - үүнэр 2023 сылы, саҥа тутуллубут, өр сылларга күүппүт баҕа санаабыт туолбут, сырдык-сылаас «Чороон» норуот айымньытын киинигэр – бастакы саҥа сылы көрсөр дьоллоох дьоро киэһэ үрдүк таһымнаахтык ыытыллан көрөөччү биһирэбилин ылыан ылла. Үөрүүлээх, кэтэһиилээх, долгутуулаах Сана Дьылбыт алыптаах киэһэтигэр, күндү бар дьоммутугар - кэлэр сылга саҥа санааларынан салайтаран, ситиһиилээх дабааннары дабайалларыгар алгыс тылларын анаатылар "Нам улууһа" МТ Баһылыга Слепцов Юрий Иннокентьевич, «Хатыҥ-Арыы нэһилиэк» МТ Баһылыга Иван Дмитриевич Ноговицын. Ол кэннэ «Путешествие во времени» диэн театрализованнай концерт буолла. Бу театрализованнай концертка «Чороон» НАК үлэһиттэрэ, «Сыдьаайа», «Оһуор», «Колорит» үҥкүү коллективтара, киэн туттар оскуолабыт оҕолоро – «Ылдьаа ыччаттара» (сал. Матрена Винокурова) уонна уус-уран самодеятельность кыттыылаахтара күндү көрөөччүлэрбитигэр биир умнуллубат түгэни бэлэхтээтилэр.
| |
|
Всего комментариев: 0 | |