Тохсунньу 12 күнүгэр, үтүө үгэскэ кубулуйбут «Хатыҥ-Арыы нэһилиэк» МТ Баһылыгын Саҥа Дьыллааҕы Елката үрдүк таһымҥа буолан ааста. Бу күн туйгун үөрэнээччилэри, сыл бастыҥ көрдөрүүлээх оҕолорун, сыл бастыҥ спортсмен оҕолорун уонна уөрэхтэригэр үчүгэй үөрэнээччилэри чиэстээһин күнэ.

Хатыҥ-Арыы нэһилиэгэ 2 оскуолалаах, И.Е. Винокуров аатын сүгэр Хатыҥ-Арыы орто сокуолата уонна Затоннааҕы ситэтэ суох оскуола. Тэрээһиҥҥэ уопсайа 200-кэ оҕоҕо Баһылык Ноговицын И.Д. өйдөбүнньүк бэлиэлэри уонна минньигэс бэлэхтэри туттартаата. Бу күн оҕолорбутугар анаан оҕо-ыччат биһирэбилин тутуон тутар «Snow Voice» ырыаһыт уолаттара кэлэн ыалдьыттан, ыллаан-туойан, эҕэрдэлээн бардылар.