Россияҕа норуот айымньытын уонна культурнай нэһилиэстибэтин, Саха АССР төрүттэммитэ 100 сылыгар, Саха республикатыгар Ийэ, Саха сирин уһулуччулаах государственнай уонна политическай деятелэ Максим Кирович Аммосов төрөөбүтэ  125,  олоҥхоһут Егор Герасимович Охлопков – Буоратай төрөөбүтэ 125 уонна композитор Захар Порфирьевич Винокуров төрөөбүтэ 100 сылларыгар анаммыт “УРУЙДАН-АЙХАЛЛАН, ЭҤСИЭЛИ, НАМ СИРЭ” Нам улууһун нэһилиэктэрин икки ардыларыгар ыытыллыбыт фестивалын түмүгэ таҕыста. Тохсунньу 28 күнүгэр, М.К. Аммосов аатынан культура дыбарыаһыгар нэһилиэхктэр икки ардыларыгар көрүү фестиваль түмүгүнэн бастакы бөлөхтөргө “Чороон” НАК кыайыылааҕынан таҕыста.

Биһиги бөһүөлэкпит уус-уран самодеятельность кыттыылаахтара: “Сандаара”, “Дуорай” вок.ансаамбыллар, сал. Саргылана Пономарева, “Дорҕоон” этно-фольклорнай бөлөх, сал. Степан Находкин, “Ситим” чабырҕахсыттар бөлөхтөрө, сал. Марианна Винокурова, эстраднай вокалга – Нина Христофорова, инструментальнай-фортепиано көрүҥэр – Яна Соловьева, тойукка – Матрена Горохова, хомуска – Гаврил Макаров, ораторскай искусство5а – Антон Алексеев.

Уус-уран оҥоһук быыстапкатын кыттыылаахтара: Любовь Ильинична, сиэнэ Гриша Жирков, Куличкина Прасковья Ивановна, Мальцева Дария Ивановна, Олесова Елизавета Дмитриевна, Уваровская Дария Спиридоновна, Алексеева Александра Федосеевна, Стрекаловский Герасим Сидорович, Машников Петр Спиридонович, “Уран иис” иистэнньэҥнэр түмсүүлэрэ. Кыттыбыт дьоммутугар ис сүрэхпититтэн махталбытын тиэрдэбит.