Олунньу 17, 20-21 күннэригэр «Чороон» норуот айымньытын киинин уонна спорт отделын көҕүлээһининэн, Аҕа дойду көмүскээччилэр күннэригэр анаан, «Хатыҥ-Арыы нэһилиэк» МТ тэрилтэлэрин эр дьонун икки ардыларыгар спорт 5 көрүҥэр күрэхтэһии ыытылынна, ол курдук буулдьанан ытыы, дарст, остуол тенниһэ, бильярд, хабылык-хаамыска. Бу күрэххэ 11 тэрилтэттэн 14 хамаанда кииристэ. Хас көрүҥ аайы кыайыылаахтарга мэтээл уонна грамота туттарылынна.

Биэс көрүҥ түмүгүнэн, «НамКоммунТеплоЭнерго» Хатыҥ-Арыытааҕы учаастагын хамаандата 1 миэстэ, «Мааркыс» такси 1 хамаандата 2 миэстэ, 3 миэстэҕэ «Мааркыс» такси 2 хамаандата тигистэ. Сүрүн судьуйа Находкин Степан Александрович уонна Ильин Сергей Андреевич күрэхтэһиини иилээн- саҕалаан ыыттылар.