Ыам ыйын 26 күнүгэр үтүө үгэскэ кубулуйбут «Сааскы дьаарбаҥка - 2023» Нам селотугар М.К. Аммосов аатынан болуоссакка ыытылынна.

Хатыҥ-Арыы нэһилиэгэ сылын аайы буоларын курдук көхтөөх кыттыыны ылан 2 миэстэҕэ тигистибит.

Нэһилиэкпититтэн уопсайа 30-тан тахса киһи оҕуруот астарын рассадатын арааһын, Намнааҕы Техникум студеннара араас элбэх сибэкки рассадатын, пекарьняларын килиэбин, ону таһынан Аргунов Д.Д. салалталаах Технолог группатын студеннара эт-халбаһы атыылаатылар. Куруук кыттар дьоммут Дьяконов С.Е., Мухина С.Н., Дьяконова М.И. куурусса, кролик, индюк, бөтүүк атыылаатылар уонна биирдиилээн хас сыл аайы кыттар дьоммутугар махтанабыт.

Тыа хаһаайыстыбата сайдыытыгар сүҥкэҥ кылааттарын иһин СР Тыатын хаһаайыстыбатын Министерствотыттан Почетнай Грамотатын Петрова Матрена Константиновнаҕа, Предпринимательство Министерствотын Бочуоттаах Грамотатын Дьяконов Сергей Егоровичка, Мухина Саргылана Николаевнаҕа, «Нам улууһа» МТ Баһылыгын почетнай грамотатын Колесова Тамара Ивановнаҕа, Сыромятникова Анна Даниловнаҕа, Чупрова Нюргустана Ионовна үөрүүлээх быһыыга-майгыга туттардылар. Ону таһынан куруук кыттар нэһилиэкпит олохтоохторугар «Хатыҥ-Арыы нэһилиэк» МТ Баһылыга Ноговицын И.Д. Махтал суруктарын туттарда.

Быйыл СР Үлэ сылынан Хатыҥ-Арыы нэһилиэгин киэргэтии быыстапката Совхоз тематыгар ананна, туспа анал фотозона оҥоһуллан ыалдьыттар хаартыскаҕа түстүлэр.