12:31 Байыас илдьитин ылынан бүтүн нэһилиэгинэн туруннулар | |
Нам улууһун Хатыҥ Арыы нэһилиэгин Аппааны бөһүөлэгин «Чороон» норуот айымньытын киинигэр, бу күннэргэ олохтоохтор күүстэринэн байыаннай дьайыыга аналлаах техниканы бүрүйэр маскировочнай сетка баайыыта буола турар. Биһиги биир дойдулаахпыт З. А. Винокуров, бастакы хомуурга ыҥырыллан Аҕа дойдутун көмүскүү сылдьар. Байыаннай техникалары бүрүйэргэ аналлаах уопсайа 320 кв. м оҥоһуллуохтаах эбит. Төрөппүттэрэ тута материал атыылаһан, сетка булан, Дьокуускай куорат волонтёрдарын уонна аймахтарын кытта 195 кв м сетканы бэлэм оҥордулар. Аны 125 кв. м хаалбытын «Хатыҥ Арыы нэһилиэк» МТ баһылыга Иван Ноговицын дьаһалынан, алтынньы 28 күнүттэн «Чороон» культура дьиэтигэр түмсэн маскировачнай сетканы оҥорон саҕалаатылар. 5 күн устата 15 маскировочнай сетка баайыыта, оҥоруута түмүктэннэ. Улахан махталбытын тиэрдэбит Павлова Вера Семеновнаҕа, күн аайы кэлбит дьоҥҥо үөрэтэн, сүбэлээн салайбытыгар «Чэбдик» хамаандатыгар, пенсионердарга, ветераннарга, тэрилтэлэр үлэһиттэригэр, техникум студеннарыгар, Барыгытыгар ис сүрэхтэн махтанабыт. | |
|
Всего комментариев: 0 | |