07:05 «Хатын-Арыы» совхоз үлэһитттэрин көрсүһүү киэһэтэ | |
Сэтинньи 25 күнүгэр «Чороон» норуот айымньытын киинигэр «Хатын-Арыы» совхоз үлэһиттэрин көрсүһүү киэһэтэ буолан ааста. Нам оройуонугар 1976 сыллаахха бөдөҥсүйбүт совхозтартан арахсан «Хатын-Арыы» уонна «Комсомольскай» совхозтар тэриллибиттэрэ. Саҥа «Хатын-Арыы» совхозка Аппаны, Кыһыл дэриэбинэ, Бөтүҥ, Искра отделениелара киирбиттэрэ. Совхоз бастакы директорынан Бөтүҥ отделениетыгар салайааччыннан үлэлии сылдьар Дмитрий Дмитревич Винокуров анаммыта. Дьэ ол кэннэ ыла «Хатын-Арыы» Совхоз Саха республикатыгар соҕотох эти оҥорор тыа хаһаайыстыбатын тэрилтэтин быһыытынан 20 сыл үлэлээн кэлбитэ. Бу совхозка үлэлээбит кэмнэри үгүс үлэһит дьон умнубаттар, үтүө өйдөбүлүнэн ахталлар, саныыллар. Совхоз оччотооҕу үлэтин-хамнаһын туһунан иһитиннэриини уонна бэйэлэрин ахтыыларын эттилэр: тэрийэр бөлөх салайааччыта Дмитрий Иванович Ноговицын, 1976 сылтан Совхоз тутуутун прораба 1990-1994 сс. Совхоз директорынан улэлээбит Рехлясов Валентин Степанович, Аппааны отделениетын аатыттан үлэ ветерана Анастасия Игнатьевна Корякина, Бөтүҥ отделениетын аатыттан үлэ ветерана Валентина Дмитриевна Аммосова, Кыһыл дэриэбинэ отделениетын аатыттан үлэ ветерана Андрей Егорович Евстафьев, Искра отделениетын аатыттан үлэ ветерана Анна Дмимтриевна Парникова. Нам улууһун баһылыгын социальнай хайысхаҕа солбуйааччыта Петр Абрамов эҕэрдэлээтэ, Саха Республикатын тыатын хаһаайыстыбатын 100 сылынан юбилейнай знактарын туттулар: Парникова Анна Захаровна. Евстафьева Евдокия Дммитриевна, Игнатьев Василий Васильевивч Аммосов Николай Алексеевич, Ноговицын Дмитрий Иванович. «Хатын-Арыы» нэһилиэк МТ баһылыга Иван Дмитриевич Ноговицын эҕэрдэлээн туран 65 сыллаах юбилейынан наҕараадалары туттарда. Экраҥҥа Василий Васильевич Дьячковскай устубут совхоз үлэтин түгэннэриттэн кылгас киносюжеттарын көрөн ааспыт кэми ахтылынна. Салгыы сандалы тула олорон тэрээһин бары кыттыылаахтара урукку үлэлээбит кэмнэрин ахтыһан үөрдүлэр-көттүлэр, сэргэхсийдилэр.
| |
|
Всего комментариев: 0 | |