Тохсунньу 16 күнүгэр 16 ч. Хатыҥ-Арыы нэһилиэгин оҕолоругар аналлаах «Рождественский Бал Главы» бырааһынньык буолан ааста.

Бу күн үөрүүлээх тэрээһиҥҥэ туйгуннук уонна үчүгэйдик үөрэнэр нэһилиэкпит киэн туттар кэнчээри кэскиллэрэ – үчүгэй үөрэхтээх оҕолор чиэстэннилэр, наҕараадаланнылар. Хатыҥ-Арыы нэһилиэгин оскуолаларыгар уонна Хатыҥ-Арыы нэһилиэгиттэн атын оскуолаларга туйгуннук үөрэнэр, араас көрүҥнэргэ үрдүк ситиһиилээх оҕолору «Хатын-Арыы нэьилиэк» МТ Баһылыга Иван Дмитриевич Ноговицын эҕэрдэлээтэ.

Эҕэрдэ нүөмэрдэргэ кыттыыны ыллылар Хатын-Арыы орто оскуолатын үөрэнээччилэрэ уонна Дьокуускай куораттан ыҥырыллан кэлбит ыалдьыппыт, саха эстрадатын эдэр чаҕылхай сулуһа Эрхан. Бал бары кыттыылаахтара наҕараада, анал аат, грамота уонна минньигэс бэлэх тутуурдаах үөрэн-көтөн тарҕастылар.