11:31 Ийэ тыл күнэ | |
Олунньу 13 күнүгэр Хатыҥ-Арыы нэһилиэгин олохтоох библиотеката уонна “Чороон” норуот айымньытын киинэ төрөөбүт төрүт тыл уонна сурук-бичик күнүгэр анаан “Өркөн өй” диэн оонньуу-күрэс ыытта. Күрэс сыала-соруга: төрөөбүт төрүт тыл сүмэтин, эриэккэһин, кэрэтин иҥэрии. Ийэ тылынан киэн туттуу, саха омук тыла туттуллар эйгэтин кэҥэтэргэ туруулаһыы, үлэлэһии. Бу оонньуу-күрэскэ Хатыҥ-Арыы нэһилиэгин тэрилтэлэрин үлэһиттэрэ кыттыыны ыллылар, ол курдук, олохтоох дьаһалтаттан, оҕо сайдар кииннэриттэн “Сандаара”, “Хатыҥчаана”, “Мичээр”, И.Е. Винокуров аатынан Хатыҥ-Арыы орто уонна Затон ситэтэ суох оскуолаларыттан, И.Е. Винокуров аатынан история уонна кыраайы үөрэтэр түмэлтэн уопсайа 14 киһи кытынна. Бу күрэс икки хамаандаҕа арахсан уопсайа 5 түһүмэҕинэн кыттааччылар бэйэлэрин билиилэрин тургутан көрдүлэр. Нэһилиэкпит тэрилтэлэрин үлэһиттэрэ төрөөбүт төрүт тылларын, литератураны, сиэри-туому билэллэрэ тэрээһин ыытааччыларын олус үөртэ. Сахабыт сирин дьонугар төрөөбүт төрүт тылгытын харыстааҥ, билиҥ, үөрэтиҥ уонна таптааҥ диэн этэбит.
| |
|
Всего комментариев: 0 | |