Бу дьыл, кулун тутар 28 күнүгэр «Чороон» НАК иһинэн үлэлиир «Айар аартык» театрализованнай куруһуок оҕолоро (И.Е. Винокуров аатынан Хатыҥ-Арыы орто оскуолатын үөрэнээччилэрэ), сал. «Чороон» НАК режиссера Горьяна Стрекаловская - Ленинград блокадата түмүктэммитэ 80 сылыгар анаан, «Мин тыыннаах хаалыаҕым» театрализованнай көстүү туруоран, Мэҥэ Хаҥалас улууһун Майа сэлиэнньэтигэр Д.Ф. Ходулов аатынан НАДь XXV Өрөспүүлүкэтээҕи «ТУОС МААСКЫ» фестиваль-конкурска кыттан 1 ст. ЛАУРЕАТ уонна «Лучшая женская роль» - Злата Изюмская, «Лучшая мужская роль» - Толя Сивцев үрдүк ааттары ылан кыайыы көтөллөөх кэллилэр.

Бу дьыл, кулун тутар 29 күнүгэр Нам сэл. Өрөспүүбүлүкэтээҕи дэгэрэҥ ырыаны айыы уонна саха үҥкүүтүн күөн-күрэһэ ыытылынна. «Чороон» НАК үлэлиир оҕолорго «Сайдам», улахан дьоҥҥо «Оһуор» үҥкүү бөлөхтөрө кыттыыны ыллылар. Сал. «Чороон» НАК хореограва Варвара Иванова. Үҥкүүлэр тыыннаах доҕуһуолунан толорулуннулар. Доҕуһуолга оонньоотулар «Чороон» НАК – «Дорҕоон» этно-фольклорнай бөлөх (сал. Степан Находкин).

«Оһуор» үҥкүү бөлөҕө олохтоох мелодист, Хатыҥ-Арыы нэһилиэгин бочуоттаах олохтооҕо Люция Евсеева – Суһумнуура Юрий Потапов – Саргын «Арчылыыр кубалаах Нам сирэ» хоһоонугар айбыт матыыбынан – хореограф Варвара Иванова туруорбут үҥкүүтүн үҥкүүлээтилэр. «Инникилээх салайааччы» анал аат Варвара Иванова туттарылынна.

«Дорҕоон» тыыннаах доҕуһуол бөлөҕөр – «Бастыҥ доҕуһуол» анал аат туттарылынна.

         Кулун тутар 30 күнүгэр Саха Республикатыгар Оҕо Саас сылыгар анаммыт «Танцует детство» оҕолорго үҥкүү күрэһэ Жатай бөһүөлэгэр ыытылынна. «Чороон» НАК «Сайдам» (И.Е. Винокуров аатынан Хатыҥ-Арыы орто оскуолатын үөрэнээччилэрэ) үҥкүү бөлөҕө кыттан 2 ст. ЛАУРЕАТ уонна «Лучший традиционный танец» номинация кыайыылааҕынан буоллулар. Салайааччы «Чороон» НАК хореограва Варвара Иванова. Бу конкурска дьүүллүүр сүбэ председателэ СР народнай артыыһа, РФ үтүөлээх артыыһа, СР үтүөлээх артыыһа Дмитрий Егорович Артемьев.

         Муус устар 1 күнүгэр – Аан дойдуга көр-күлүү күнэ. Бу күн Нам улууһун нэһилиэктэрин театрализованнай куруһуоктарын «Өр күлүү – көр күлүү» күрэстэһии-фестиваля буолан ааста. «Чороон» НАК иһинэн үлэлиир «Айар аартык» улахан дьонун бөлөҕө (сал. Горьяна Стрекаловская) кыттан – көр-күлүү жанрын толору баһылаабыт, СР культуратын туйгунун В.В. Бурнашев анаабыт «Көр-күлүү туйгуна» анал ааты уонна бирииьи туттулар.

Муус устар 4 күнүгэр Республикатааҕы народнай уонна уус-уран самодеятельность ырыа ансаамбылларын «Поет село родное» конкурса куйаар ситимин нөҥүө ыытылынна. Манна «Чороон» НАК иһинэн үлэлиир «Сандаара» вокальнай ансаамбыл, кыттыыны ылан 3 ст. ЛАУРЕАТ үрдүк аатын ыллылар. Салайааччылар СР культуратын туйгуна Саргылана Пономарева, СР культуратын туйгуна Ариан Васильев

         Муус устар 5 күнүгэр РФ Дьиэ кэргэн, СР Оҕо саас сылларыгар анаан Нам улууһугар «МИР ТЕАТРА» оҕо театрдарын көрүү конкурска буолан ааста.  «Чороон» НАК иһинэн үлэлиир «Айар аартык» театрализованнай куруһуок оҕолоро (И.Е. Винокуров аатынан Хатыҥ-Арыы орто оскуолатын үөрэнээччилэрэ), сал. «Чороон» НАК режиссера Горьяна Стрекаловская - Ленинград блокадата түмүктэммитэ 80 сылыгар анаан, «Мин тыыннаах хаалыаҕым» театрализованнай көстүүнэн кыттан - кыайыы өрөгөйүн билэн МУҤУТУУР КЫАЙЫЫЛААХ аатын ыллылар (ГРАН ПРИ). Сүрүн оруолу толорбут Злата Изюмская – «Лучшая женская роль» анал аат кыайыылааҕынан буолла. 

         Бүгүн, ол эбэтэр муус устар 8 күнүгэр Россияҕа Дьиэ кэргэн, СР Оҕо саас уонна Нам улууһугар Оҕо спордун сылларыгар аналлаах билиини тургутар «ДОЙДУМ МИЭНЭ – КИЭН ТУТТУУМ» өркөн өй оонньууга биһиги нэһилиэктэн Матвеева Анатолий Матвеевич, Новгородова Матрена Дмитриевна, Макаров Гаврил Петрович - «Чаҕылҕан» хамаанда (улахан нэһилиэктэргэ) 1 миэстэни ылан кыайыы өрөгөйүн биллилэр.