Сир ийэ барахсан күөх солконон симэнэн, самаан сайын – кэрэ кэм кэлбитинэн, о5олорбут кыһыҥҥы уһун сырал5аннаах үлэлэрэ түмүктэммитинэн, сайыҥҥы сынньаланнара са5аламмытынан, уһуйаан уонна үөрэх дьыла түмүктэммитинэн үөрүү-көтүү түһүлгэтэ - ыам ыйын 31 күнүгэр «Чороон» НАК оҕо көмүскэлин күнэ үөрүүлээхтик ыытылынна.

         Оҕолорго анаан минньигэс бириистээх араас конкурстар, күрэхтэр ыытылыннылар.

Ону таһынан, Хатыҥ-Арыы нэһилиэгин спорт тэрилтэтэ (директор Бурнашев Е.К.) оҕолорго спортивнай күрэхтэри ыытан оҕо бөҕө кыттыыны ылан астыннылар.

«Хатыҥчаана» уонна «Мичээр» оҕо уһуйааннара, Галя Эверстова эҕэрдэ ырыаларын бэлэх ууннулар.

Сиртэн сэрбэйиэхтэриттэн симээн-маанылаан көрбүт сибэкки кэриэтэ кыргыттарбытын, окко түһүөхтэриттэн о5олоон улаатыннарбыт оно5ос курдук уолаттарбытын, о5олорбутун, сиэннэрбитин О5о көмүскэлин күнүнэн э5эрдэлиибит!

Ба5арабыт дьолунан толору, үөрүүнэн ситэри иллээх-эйэлээх оло5у, ылыммыт сыалгыт ылсан истин, тутуспут суолгут тупсан истин, үүнэр күн саҥаттан саҥаны са5ыахтын, сонунтан сонуну тосхойдун!