Ыам ыйын 31 күнүгэр «Чороон» НАК көҕүлээһининэн М.К. Аммосов аатынан Культура Дыбарыаһыгар, П. Сивцев аатынан история уонна этнография түмэлин быыстапка саалатыгар төрүт культурабыт биир уратылаах көстүүтүн, төрүт дьарыгын утумнуур, сайыннарар сырдык ыра санаалаах - «СР культуратын туйгуна», «СР Үлэ ветерана», «СР Үөрэҕириитин туйгуна»  

Норуот маастара, «СР художественнай айымньытын сайдыытыгар кылаатын иһин» бочуоттаах бэлиэ хаһаайката Анна Гаврильевна Протопопова «Иэйиим кэрэ оһуора» айар быыстапката тэрилиннэ. Үөрэппит оҕолорун, үөлээннээхтэрин, до5отторун түмэр күнэ ыытылынна.

         Анна Гаврильевна үлэтин тухары араас кэмнэргэ үөрэппит оҕолоро - Евстафьев Алексей – Россия худуоһунньуктарын чилиэнэ, график-художник,  Ариан Ермолаев – Россия дизайнердарын союһун чилиэнэ, график-художник,  Яна Христофорова – З.П. Винокуров аатынан Намнааҕы оҕо искусствотын оскуолатын преподавателэ, Винокурова Прасковья Дмитриевна – И.Е. Винокуров аатынан Хатыҥ-Арыы орто оскуолатын учуутала, Павлов Павел Семенович өр сылларга Хатыҥ-Арыы музыкальнай оскуолатыгар художественнай отделение преподавателинэн үлэлээбитэ, Мария Сокольникова – Дьокуускай куораттааҕы градостроительство былаанын оҥорор сүрүннүүр специалист, Куличкина Прасковья Ивановна – СР уус уран оҥоһуктарын маастара о.д.а.

         Сахалыы ииһи баһылаабыт маастар быыстапкатын кэлэн көрөргүтүгэр ыҥырабыт.

Билиҥҥи сайдыылаах кэмҥэ бэйэбит үтүө үгэспитин умнубакка көлүөнэттэн көлүөнэҕэ утумнаан иитэн, тириэрдэн иһиэҕиҥ.

"Нам улууһа" муниципальнай тэриллии,"Хатын-Арыы нэһилиэк" уонна культура уонна духуобунай сайдыы салайааччытын знактарынан бэлиэтэннэ.