Сэтинньи 4 күнүгэр Сомоҕолоһуу, Иллээх буолуу күнүгэр «Чороон» НАК саҥа үлэ сезонун арыйар дьоллоох, кэрэ түһүлгэтэ үрдүк таһымҥа ыытылынна.

Бу күҥҥэ күндү көрөөччүлэрбит истиилэригэр «Чороон» норуот айымньытын киинин өрөгөйүн ырыата - Аина Васильева тылыгар, Алексей Потапов мелодиятыгар, Дмитрий Готовцев аранжировкатыгар – «Хатыҥ-Арыы тэбэр сүрэҕэ – «Чороон» культура киинэ» сүрэхтэннэ.

Хатыҥ-Арыы нэһилиэгин Аппааны бөһүөлэгин уус-уран самодеятельноһын кыттыылаахтарыгар, сцена ветераннарыгар Саха Республикатын Культураҕа уонна Духуобунай сайдыыга Министерствотын аатыттан «Ветеран художественной самодеятельности РС (Я)» диэн үрдүк Знактары үөрүүлээх-быһыыга майгыга улууспут Культураҕа уонна духуобунай сайдыыга Управлениетын аатыттан Александра Николаевна Новгородова туттарда.

Ону сэргэ, «Хатыҥ-Арыы нэһилиэк» МТ Баһылыга Иван Дмитриевич Ноговицын уонна «Чороон» НАК директора Саргылана Даниловна Пономарева уус-уран самодеятельность көхтөөх кыттыылаахтарыгар наҕараада, махтал сурук туттардылар.

Үөрүүлээх тэрээһиҥҥэ, кэнсиэргэ кыттыыны ыллылар: «Чаҕылыс» литературнай бөлөх, «Дорҕоон», «Дуораан», «Дабаан» фольклор бөлөхтөрө, «Сандаара», «Дуорай», «Сарыада» ырыа ансаамбыллара, «Сайдам», «Оһуор», «Сыдьаайа» үҥкүү бөлөхтөрө, Юрий Иванов, Владимир Власов, Галя Эверстова о.д.а.

Күндү сэргэх көрөөччүлэрбит дьоро киэһэбитигэр - «Чороон» НАК саҥа үлэ сезонун арыйар кэрэ түһүлгэтигэр мааны ыалдьыт буолан көрө-сэргии кэлбиттэригэр махтанабыт.