Тохсунньу ый 10 күнүгэр Хатыҥ-Арыы нэһилиэгин Аҕам саастаахтарыгар анаан, күлүмүрдэс сандаарар уоттардаах, араас дьэрэкээн оонньуурдаах, маанылаах харыйа киэргэллээх, үөрүү-көтүү аргыстанан тиийэн кэлбит Саҥа 2025 сылы көрсө дьоро киэһэ үрдүк үөрүүгэ ыытылынна.

Бу бэлиэ күн Аҕам саастаахтарбытын «Хатыҥ-Арыы нэһилиэк» МТ баһылыга Ноговицын Иван Дмитриевич, «Түһүлгэ» ветераннар уонна пенсионердар Сэбиэтин председателя Лебедева Оксана Ивановна истиҥник эҕэрдэлээтилэр.

Тымныы Оҕонньор сиэнинээн Хаарчааналыын кэлэн эҕэрдэ этэн, ыллаан аастылар.

Саҥа Дьылбыт дьоро киэһэтигэр нэһилиэкпит дьоно ыҥырыыбытын ылынан, илдьиппитин биһирээн кэлэн бырааһынньыктааҕы киэһэҕэ дуоһуйа сынньанан, араас оонньууларга, конкурстарга кыттан бириис биһирэмнээх, бэлэх мэктиэлээх үөрэн-көтөн тарҕастылар.