Ахсынньы 30 күнүгэр Ангелина Данилова остуоруйатыгар олоҕуран саҥа дьыллааҕы «Хаарчаана сүрэҕэ» театрализованнай көстүү толору көрөөччүлээх үрдүк таһымнаахтык буолан ааста. Ыҥырыылаах ыалдьытынан Саха республикатын культуратын уонна духуобунай сайдыытын министирэ Афанасий Иванович Ноев кэлэн эҕэрдэлээн сэмэй бэлэҕин Хаарчаана оруолун толорбут Аина Винокуроваҕа уонна туруорааччы режиссерга Горьяна Стрекаловскаяҕа туттарда. Нам улууһа муниципальнай тэриллии баһылыга Юрий Иннокентьевич Слепцов, Хатын-Арыы нэһилиэк муниципальнай тэриллии баһылыга Иван Дмитриевич Ноговицын нэһилиэк дьонун уонна ыалдьыттарын кэлэн иһэр саҥа дьылынан эҕэрдэлээбиттэрэ.

Тетрализованнай көстүүгэ кыттыыны ыллылар: «Сыдьаайа» үҥкүү бөлөҕө, сал. Анжелика Ноговицына, «Колорит», «Оһуор» үҥкүү бөлөхтөрө, сал. Варвара Иванова, «Сандаара» ырыа ансаамбыла, сал. Саргылаана Пономарева, «Сарыада» ырыа ансаамбыла, сал. Горьяна Стрекаловская.

Кэпсээнньит оруолун толордо Марианна Рожина, истээччи уоллаах кыыс оруолун толордулар «Айар аартык» театральнай студия артыыстара Намина Стрекаловская, Мирослав Максимов. Сайын Куо - Галина Семенова, Тымныычаан уол оруолун толордулар Айхал Винокуров, Эрхан Гаврильев, Степан Суздалов. Улуутуйар Муус Тойон – Андрей Слепцов, Далбар Хотун Күһүнчээнэ – Нюргуяна Адамова, кэлэр сыл бэлиэтэ Эриэн үөн – Петр Машников, Симэхсин эмээхсин – Марианна Винокурова уонна сүрүн Хаарчаана оруолун толордо Аина Винокурова. Туруорааччы режиссер Горьяна Стрекаловская. Сүрүн оруоллар таҥастарын тиктилэр, киэргэттилэр Чороон НАК үлэһиттэрэ Айталина Уваровская, Анастасия Доромонова, Олимпия Кириллина. Уотунан киэргэттэ Виталий Евсеев. Экраҥҥа киэргэтиини оҥордо Гаврил Макаров. Музыканан киэргэттэ Ариан Васильев. Реквизиттары оҥордо Петр Машников. Салайааччы Саргылаана Пономарева.

Үгүс көрөөччү көрдөһүүтүнэн тохсунньу 14 күнүгэр хатыылааһын буолла. «Хаарчаан сүрэҕэ» театрализованнай көстүү көрөөччү биһирэбилин өссө төгүл ылла.