Сахабыт сирин норуоттарын сомоҕолуурга, төрүттэрбит хорсун санааларын, геройдуу быһыыларын өйдүү-саныы сылдьарбытыгар, түмсүүлээх буоларбытыгар, дойдубут көҥүлүн иһин охсуспут дьоммут сырдык ааттарын үйэтитиигэ туһуламмыт Өрөспүүбүлүкэтээҕи «Кыайыы Знамята» эстафета олунньу 6 күнүгэр Хатын-Арыы нэһилиэгэр кэллэ.

Кыайыы Знамятын «Нам улууһа» МТ Баһылыгын солбуйааччыта Егор Андреевич Протопопов “Хатыҥ-Арыы нэһилиэк” МТ Баһылыгар Иван Дмитриевич Ноговицыҥҥа туттарда. Нэһилиэкпит дьоно-сэргэтэ Улуу Кыайыы бэлиэтин үөрүүлээх быһыыга-майгыга көрүстүлэр.

И.Е. Винокуров аатынан Хатыҥ-Арыы орто оскуолатын “Ча5ылыс” литературнай бөлөҕө “Мин саллаат сиэнэбин, онон киэҥ туттабын” диэн композицияларын аахтылар.

Түмүккэ саала иһэ барыта сүһүөхтэригэр туран биир дойдулаахпыт, поэт Илья Дорофеевич Винокуров – Чаҕылҕан хоһоонугар, Андрей Костин матыыбыгар «Хайыһар» ырыаны толорбуттара олус долгутуулаах буолла.