Олунньу 27 күнүгэр Саха культуратын тарҕатааччы, уһуйааччы, «Дьырылыатта» фольклорнай бөлөх тэрийээччитэ, Саха Республикатын Үөрэҕириитин туйгуна, Нам улууһун Ытык Киһитэ Соколова Ефросинья Васильевна бириэмийэтигэр аналлаах улуустааҕы XIII «Олоҥхону олук оҥостон» эдэр олоҥхоһуну толорооччулар күрэхтэригэр «Чороон» НАК иһинэн иккис сылын үлэлиир «Айылҕан» фольклорнай бөлөх кытынна, салайааччы Нюргуяна Адамова.

И.Е. Винокуров аатынан Хатыҥ-Арыы орто оскуолатын алын сүһүөх кылааһын оҕолоро П.П. Ядрихинскай – Бэдьээлэ «Дьырыбына Дьырылыатта кыыс бухатыыр» олоҥхоттон быһа тардыыны төрүт үгэһинэн толорон бөлөхтөргө КЫЛААН ЧЫПЧААЛ аатын ылан муҥутуур кыайыылаах буоллулар.

«БАСТЫҤ олоҥхону ТОЛОРООЧЧУ» уонна «Бастыҥ САЛАЙААЧЧЫ» кубоктарынан, премиянан наҕараадаланнылар.

Оҕолорбутугар өссө үрдүк ситиһиилэри, кыайыылары баҕарабыт.